السلالالام عليكم
اول شي ارحب فيكم في مدونتي الغير معروفه حتى الآن فاتمنى تقضون امتع الاوقات معانا , ولا تنسون تحطونا في المفضله يمكن تملون وتزهقون ويحوشكم ملل مو طبيعي , تيون اهني تتكلمون على راحتكم وسوالف حلوه وجكجكه , وبالاخير هذا المدونه مدونتكم ( لا اقض عليكم هذي مدونتي والي يبي وحده يسويله ) اصرف عليكم انا ههههه
الموهيم ,اممم شلون اكتب , خو هذي اول مدونه وتدرون بعد غشيميمن مانعرف شي , الموهيم مره ثانيه , منو يحب يسافر ؟ اكيد الكل يحب يسافر ولكن من سفره لي سفره تختلف الأوضاع لأن انا اشوف اني ليما اسافر بروحي يكون احسن وافضل من اسافر مع القروب , القروب لازم تلتزم بالمواعيد والاوقات , اما ليما تسافر بروحك تاخذ راحتك على الآخر , احسلك من دوخة الراس وننطر كل واحد ليما ينزل , وييع , مادري شلون الناس تسافر بهالقروبات , ترا الامر ما يحتاج شي , اهم شغله انك يكون لك مرشد سياحي او خريطه سياحيه , اما الاماكن تقدر تاخذلك اي تاكسي وتقوله روح هالمكان وتأشر على المكان بالخريطه , وعلى سالفه اللغه , الحين مايحتاج انا صاحبي راح تركيا , ودش مكان مسوي حفله صغيره , وكله تفاهم وياهم بالإشارات ههه , تقول صمخان , بس ليما تتكلم مع الناس تشوف السالفه كبيره وان الدول الي بره تخوف وفيها مجرمين , كأنهم مرده شياطين , مع ان كل دوله في الصالح والطالح , وعلى سبه الخوف وماله داعي الخوف لأن حتى انت بدولتك تقدر تطلع من البيت ويصير ك حادث مو طبيعي الله يبعد عنكم الشر , فليما واحد يسافر الى دوله اوروبيه مثلا شي طبيعي جدا .
اممم وبعد منو راح المارينا راس السنه ؟ يقولون هناك كان فصله مو طبيعيه , وبعض الناس معصبين من هالشي ههه اتذكر ليما رحت المارينا على راس سنه 2007 اعتقد كانو يايبين امن , بس الأمن ما يمنعنا من الوناسه والاحتقال كان وجوده فقط الحفاظ على السلامه , يعني مو نفس الطريقه الي صاغتها الجرايد , بس فعلا كانت ايام حلوه , واتذكر ليما كنا تحت الجسر اوووف , كل سياره تييه اطق هرن وتعدي علينا , ههه , تقول مسيره مو راس السنه .
بس واستودعكم
باي باي